Qurbanov: “PFL tərəfindən verilə biləcək cəzanı anlayışla qarşılayacağıq”

“Qarabağ”ın baş məşqçisi Qurban Qurbanov “Sumqayıt”la oyunun 59-cu dəqiqəsində legionet limitini pozmalarına münasibət bildirib. Futbolxeber.az-ın məlumatına görə, Ağdam klubunun rəsmi saytına danışan təcrübəli mütəxəssis səhvə yol verdiklərini etiraf edib: “Bu gün Azərbaycan Premyer Liqasının açılış turu idi.Oyunun 59-cu dəqiqəsində oyunçu dəyişikliyi yerinə yetirən zaman texniki səhv baş verdi. Belə ki, ilk olaraq Namiq Yusifovun əvəzinə Meydana Riçard Almeyda daxil oldu. Meydanda sayca maksimum 6 legioner ola biləcəyini nəzərə alsaq, texniki səhv etmiş olduğumuzu anladıq. Oyundan dərhal sonra baş vermiş hadisəni məşqçilər korpusu olaraq müzakirə etdik və səhv etdiyimizi anladıq. İlk olaraq Muaremin əvəzinə Namiq Ələsgərov daxil olmalı idi. Amma Namiq Yusifun əvəzinə Riçard Almeyda daxil oldu. Oyun zamanı baş verən səhvimizi anlayır və PFL tərəfindən verilə biləcək cəzanı anlayışla qarşılayacağımızı bildirirəm”.