AFFA “Sumqayıt”la oyuna görə “Qarabağ”a texniki məğlubiyyət verəcək!

"Qarabağ” klubu “Sumqayıt”la oyuna görə texniki məlubiyyət alacaq. Futbolxeber.az-ın məlumatına görə, Ağdam klubu bu gün Azərbaycan Premyer Liqasının ilk turunda “Sumqayıt”a qarşı baş tutan görüşdə legioner limitini pozub. Belə ki, komanda matça 6 legioner (Sehiç, Teli, Aqolli, Muarem, Çumbinyo, Reynaldo) və 5 yerli (Quliyev, Əhmədov, Yusifov, Qarayev, Nadirov) futbolçuyla başlasa da, oyunun 59-cu dəqiqəsində Namiq Yusifovu Riçard Almeyda əvəzləyib. Bu zaman “Qarabağ”ın heyətində meydanda 6 əcnəbi, 5 yerli futbolçu olub ki, bu da limitin pozulması deməkdir. Səhvini anlayan məşqçilər korpusu 2 dəqiqə sonra - matçın 61-cı dəqiqəsində Muarem Muaremi Namiq Ələsgərovla əvəzləyiblər. Bundan sonra balans bərpa olunub - 6 yerli və 5 əcnəbi futbolçu. Lakin fakt budur ki, “Qarabağ” 2 dəqiqə ərzində meydanda 6 əcnəbi və 5 yerli futbolçu ilə mübarizə aparıb.