Leroy Corc: “Tvente”ni keçəcəyimizə inanıram”

“Komanda yoldaşlarımdan biri mənə zəng edəndə yuxulu idim. O, mənə Hollandiyaya gedəcəyimizi söylədi. Mən "Hollandiyada nə edəcəyik, "Tvente" ilə oynayacağıq?" deyə soruşdum. Əlbəttə, doğma vətənimdə oynamaq hər zaman maraqlıdır". Futbolxeber.az-ın məlumatına görə, bu sözləri “Qarabağ”ın üzvü Leroy Corc deyib.

Hollandiya mətbuatına danışan Corc "Tvente" ilə görüşdə yaxşı nəticəyə ümid etdiyini bildirib: "Bir sıra komandalar bizi lazımi səviyyədə qiymətləndirmirdi. Ancaq sonradan haqqımızda təriflər eşidirdik. Əgər Bakıda "Tvente" ilə oyunda yaxşı nəticə qazansaq, o zaman mərhələni keçmək şansımız yaranacaq. Mən buna inanıram".