“Partizan”ın baş məşqçisi: “Neftçi” keçilməz sədd deyil”

Avroliqanın pley-off mərhələsində “Neftçi”nin rəqibi olan Serbiyanın “Partizan” klubunun baş məşqçisi Marko Nikoliç püşkün nəticəsini dəyərləndirib. Futbolxeber.az-ın məlumatına görə, Belqrad təmsilçisinin rəsmi saytına danışan Nikoliç təmsilçimizə hörmətlə yanaşdıqlarını qeyd edib: “Neftçi”yə qarşı hər iki oyunda yaxşı oynamağımız, mübarizə aparmağımız çox vacibdir. Bakıda keçiriləcək ilk oyunda sərfəli nəticə əldə etsək, o zaman qrup mərhələsinə vəsiqə qazanmaq üçün yaxşı şansımız olacaq. "Neftçi" haqda ətraflı məlumat toplayacağıq. Əsas məqsədimiz Avroliqanın qrup mərhələsinə vəsiqə qazanmaqdır. Rəqibə hörmətlə yanaşırıq, ancaq "Neftçi" keçilməz sədd deyil".