“Tvente” qarşılaşa biləcəyimiz komandalar arasında ən güclülərdəndir”

“Qarabağ”ın baş məşqçisi Qurban Qurbanov Avroliqanın pley-off mərhələsindəki rəqibləri olan Hollandiyanın “Tvente” klubu haqda danışıb. Futbolxeber.az-ın məlumatına görə, klubun rəsmi saytına verdiyi açıqlamada Qurban bunları deyib: “Tvente” bizə tanış komandadır. Zənnimcə, qarşılaşa biləcəyimiz komandalar arasında ən güclülərdəndir. Hal-hazırda çempionat oyunlarını fikirləşirik. Bu oyuna qədər maçlarımız var. Problemlərimiz olsa da, “Tvente”yə  qarşı hazırlaşacağıq. Hələlik, rəqib komanda məlumat toplayacağıq. Ötən mövsüm çempionatda 3-cü yeri tutublar. Güclərinə şübhə etmək olmaz. Təbii ki, “Tvente” ilə qarşılaşmalar da meydana çıxıb ən yaxşı şəkildə çıxış etməyə çalışacağıq”.