“İnter”in direktoru: “Titulu qorumaq vacibdi”

Bu gün "İnter Arena" stadionunun mətbuat konfransı zalında "İnter" komandasının direktoru Natiq Məmmədov əvəzedici heyətin məşqçi heyəti və futbolçularıyla görüş keçirib. Futbolxeber.az-ın klubun rəsmi saytına istinadən verdiyi məlumata görə, mövsümün başlanması münasibətilə əvəzedici heyətin üzvlərini təbrik edən N.Məmmədov komandanın qarşısında dayanan məqsədin dəyişməz olduğunu, yəni çempionluq titulunu qorumağın vacib olduğunu xüsusilə vurğulayıb və qarşıdakı oyunda komandaya uğurlar arzulayıb.

Əvəzedici heyətin baş məşqçisi Rüstəm Əliyev komandanın yeni mövsümə hazırlığı barədə məlumat verib, rəhbərliyin etimadını doğrultmağa çalışacaqlarını vurğulayıb və klub rəhbərliyinə komanda üçün yaradılan şəraitə görə təşəkkürünü bildirib.

Görüşdə digər cari məsələlər də müzakirə olunub.