“Çixura”nın kapitanı: “Həmin “Neftçi” indikindən güclü idi”

“İnter”də çıxış edərkən bir neçə dəfə “Neftçi”yə qarşı oynamışam. Məncə, həmin vaxtkı “Neftçi” indikindən daha güclü idi”. Futbolxeber.az saytına verdiyi açıqlamada bu sözləri Avroliqanın III təsnifat mərhələsində “Neftçi”nin rəqibi olan “Çixura”nın kapitanı David Obikadze deyib

2009-2011-ci illərdə “İnter”in heyətində 53 oyuna çıxan gürcü futbolçunun fikrincə, həmin vaxt “Neftçi”nin heyətində ulduzlar daha çox idi: “O zamanlar “Neftçi”nin heyətində Emil Mpenza, İqor Mitreski, Slavço Georgiyevski kimi futbolçular var idi. Komanda əvvəlcə çempion oldu. Daha sonra isə Avropada tarixi uğura imza atdı. “Neftçi” indi də güclüdür. Amma həmin komanda bir başqaydı”.