“Neftçi” “İnter”in uğurunu təkrarlamalıdı!

“Neftçi” bu gün Avroliqanın III təsnifat mərhələsinin cavab oyunu çərçivəsində “Çixura”nın qonağı olacaq. Futbolxeber.az-ın məlumatına görə, “ağ-qaralar” ilk oyunda öz meydanında rəqiblə qolsuz bərabərsizliyə razılaşıb.

Buna qədər Azərbaycan klubları avrokuboklarda 7 dəfə öz meydanında keçirdikləri ilk oyunda meydandan 0:0-lıq heç-heçə ilə ayrılıblar. Həmin heç-heçələrdən üçü “Neftçi”nin, ikisi “Bakı”nın, biri “MKT-Araz”ın, biri də “İnter”in aktivindədir. Bu 7 haldan yalnız birində təmsilçimiz mərhələ adlaya bilib. Belə ki, 2008-2009 mövsümündə öz meydanında “Rabotniçki” ilə qolsuz bərabərliyə razılaşan “bankirlər”, cavab matçında 1:1-lik heç-heçə sayəsində mərhələ adlayıb.

2001/02 mövsümü UEFA Kuboku “Neftçi” - “Hit Qoritsa” (Sloveniya) 0:0 - 0:1

2004/05 mövsümü Çempionlar Liqası “Neftçi” - ÇSKA (Rusiya) 0:0 - 0:2

2007/08 mövsümü UEFA Kuboku “MKT-Araz” - “Qrotslin” (Polşa) 0:0 - 0:1

2008/09 mövsümü Çempionlar Liqası “İnter” - “Rabotniçki” (Makedoniya) 0:0 - 1:1

2009/10 mövsümü Çempionlar Liqası “Bakı” - “Levski” (Borlqarıstan) 0:0 - 0:2

2012/13 mövsümü Avroliqa “Bakı” - “Mura” (Sloveniya) 0:0 - 0:1

2013/14 mövsümü Çempionlar Liqası “Neftçi” - “Skenderbeu” (Albaniya) 0:0 - 0:1