Xaqani Məmmədov: “Əliyar Ağayev UEFA-dan yüksək qiymət aldı”

Avroliqanın III təsnifat mərhələsinin ilk oyunu çərçivəsində baş tutan “Şaxtyor” (Qazaxıstan) - “Hayduk” (Xorvatiya) matçını idarə edən FİFA referisi Əliyar Ağayev UEFA-dan yüksək qiymət alıb. Bu haqda Futbolxeber.az saytına Hakimlər Komitəsinin rəhbəri Xaqani Məmmədov açıqlama verib: “Gözlədiyimiz kimi, Əliyar UEFA-dan yüksək qiymət aldı. Əvvəldən də Ağayevin qəbul etdiyi qərarların düzgün olduğunu qeyd etmişdim. Amma onun dəqiq olaraq aldığı qiyməti söyləyə bilmərəm”.

X.Məmmədov qeyd edib ki, qarşıdakı play-off oyunları üçün UEFA-dan hakimlərimizə təyinat veriləcəyinə inanır.

Xatırladaq ki, “Şaxtyor”un 4:2 hesablı qələbəsi ilə başa çatan görüşdə hmyerlimizin meydan sahiblərinin qapısına təyin etdiyi penalti narazılıqla qarşılanmışdı.