“Zalsburq”un baş məşqçisi: “İlk yarıdan sonra 3:0 öndə olmalıydıq”

“Biz topu özümüzdə yaxşı saxlayırdıq. Bütün oyunu da hücumda keçirdik. Artıq ilk yarıdan sonra hesab 3:0 xeyrimizə olmalıydı”. Futbolxeber.az-ın Azerisport.com-a istinadən verdiyi məlumata görə, bu sözləri “Qarabağ”la oyundan sonra “Zalsburq”un baş məşqçisi Adolf Hütter deyib.

Təcrübəli mütəxəssis əvvəlcədən rəqib haqda heç kimdən informasiya almadığını qeyd edib: “Erkən qol vurmalıydıq. Bunu bacardıq. Eləcə də rəqibə boş zona və fərqlənmək şansı vermədik. Mənə əvvəldən kimsə informasiya vermişdi? (gülür) “Qarabağ”ın necə oynayacağı barədə heç kim mənə heç nə deməmişdi. Biz bu rəqibi Bakıda 30 min azarkeşin önündə iş başında görmüşdük. Şadam ki, bu gün bizim fanatlar özlərini göstərdilər”.