“Qarabağ” “Kəpəz” və “Neftçi”nin aqibətini yaşadı

“Qarabağ” Çempionlar Liqasının üçüncü təsnifat mərhələsində iki oyunun nəticəsinə görə “Zalsburq”a 2:3 hesabı ilə uduzdu. Futbolxeber.az-ın məlumatına görə, bu, Azərbaycan klublarının avrokuboklarda avstriyalılar qarşısında üçüncü uğursuzluğudur. Buna qədər “Kəpəz” və “Neftçi” də qitə kuboklarında Avstriya təmsilçiləri ilə qarşılaşmalardan məğlub ayrılıblar. “Neftçi”nin 7 il əvvəlki yenilgisində də komandanın baş məşqçisi “Qarabağ”ın çalışdırıcısı Qurban Qurbanov idi. Avstriya təmsilçisini avrokuboklarda üstələyən yeganə Azərbaycan klubu “Xəzər Universiteti”dir.  

1994/95 mövsümü UEFA Kuboku “Kəpəz” - “Austriya” 0:4 - 1:5

2002/03 mövsümü İntertoto kuboku “Xəzər Universiteti” - “Kazino Şvarts” 3:0* - 2:1

2007/08 mövsümü UEFA Kuboku “Neftçi” - “Rid” 1:3 - 2:1

2014/15 mövsümü Çempionlar Liqası “Qarabağ” - “Zalsburq” 2:1 - 0:2

* Qeyd: “Xəzər Universiteti” rəqibi üzərində texniki qələbəyə sevinib.