Qurbanov: “Əsas uduzmamaqdı”

“Bilirik ki, sabahkı oyun çox çətin keçəcək. Üstəlik, stadionda anşlaq da yaşanacaq”. Futbolxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.

Sabah Çempionlar Liqasının III təsnifat mərhələsinin cavab oyunu çərçivəsində səfərdə “Zalsburq”un qonağı olacaq Ağdam klubunun çalışdırıcısı bu gün oyunöncəsi mətbuat konfransı keçirib.

Qurbanov əsas məqsədlərinin uduzmamaq olduğunu qeyd edib: “İtkilərimiz var. Onların yoxluğunda işimiz çətin olacaq. Amma bizim üçün əsas olan uduzmamaqdı. Komanda üzvləri də məsuliyyətini dərk edir”.

“Qarabağ”ın çalışdırıcısı rəqibin də matça böyük önəm verdiyini qeyd edib: “Çempionatın son turunda “Zalsburq” meydana 4 aparıcı futbolçusu olmadan çıxıb. Bundan xəbərdaram. Bu isə onu göstərir ki, “Zalsburq” da qarşılaşmaya çox ciddi yanaşır”.