Cavid Hüseynov: "Qəbələ"ni hədəflərinə çatdıracağıq"

"Hazırlıq prosesimiz yüksək səviyyədə keçdi. Deyərdim ki, komanda həm fiziki, həm taktiki, həm də psixoloji cəhətdən hazır duruma gəldi”. Futbolxeber.az-ın məlumatına görə, bu sözləri “Qəbələ”nin üzvü Cavid Hüseynov deyib.

Klubun rəsmi saytına danışan Hüseynov, yoxlama oyunlarında güclü rəqiblərlə qarşılaşdıqlarını söyləyib: “Gündəlik iki məşq etdik və güclü rəqiblərlə qarşılaşdıq. Yorğunluğumuz olsa da, məsuliyyətimizi dərk edərək məşqlərdə səylə çalışdıq. Bunun da faydasını çempionatda görəcəyik. Heyətdə yeni olsam da, komandaya tez uyğunlaşdım. İnanıram ki, gücümüzü birləşdirib "Qəbələ"ni hədəflərinə çatdıracağıq".