AZAL kolumbiyalı hücumçunu transfer etdi

AZAL heyəti gücləndirməkdə davam edir. Futbolxeber.az-ın klubun rəsmi saytına istinadən verdiyi məlumata görə, hazırda yeni mövsümə hazırlıqlarını Boluda davam etdirən “təyyarəçilər” daha bir keçidi rəsmiləşdirib. Bu dəfə kolumbiyalı hücumçu Con Enrike Kordoba ilə müqavilə imzalanıb. “Koru Otel”də baş tutan mərasimdə Kordoba 2 illik sözləşməyə imza atıb.

Qeyd edək ki, buna qədər Con yalnız Cənubi Amerikada top qovub. Venesuelanın “Deportivo Lara”, “Deportivo Petare”, “Samora”, “Truxilyanos”, Boliviyanın “Bolivar” klublarının şərəfini qoruduqdan sonra o vətəni Kolumbiyada “Deportivo Kukuta” və “Amerika de Kali”nin formasını geyinib.

Xatırladaq ki, o, AZAL-ın yay “transfer pəncərəsi”ndə heyətinə qatdığı sayca 9-cu futbolçu oldu.