“Arsenal”: əvvəl Hafiz Məmmədovun komandası, sonra “Xəzər Lənkəran”

Tula “Arsenal”ı təlim-məşq prosesi üçün hazırda Sloveniyadadır. Futbolxeber.az-ın klubun rəsmi saytına istinadən verdiyi məlumata görə, Rusiya təmsilçisi hazırlıq prosesi çərçivəsində 3 yoxlama oyunu keçirəcək. Bu gün “Rad”la qarşılaşacaq “Arsenal”, iyulun 23-də Hafiz Məmmədovun sahibi olduğu “Şeffild Uenzdi”ylə üz-üzə gələcək. Sloveniyadakı son oyununda isə “Arsenal” “Xəzər Lənkəran”la qarşılaşacaq. Bu oyun iyulun 27-də baş tutacaq.

Qeyd edək ki, ötənlərin məşhur futbolçusu Dmitri Aleyniçevin çalışdırdığı “Arsenal”ın təlim-məşq prosesində 23 futbolçu iştirak edir.