"İnter"in avrokuboklarda 5-ci səfər qələbəsi ARAŞDIRMA

“İnter” Avroliqanın ikinci təsnifat mərhələsinin ilk oyununda səfərdə “Elfsborq” üzərində 1:0 hesablı qələbə qazanıb. Futbolxeber.az-ın araşdırmasına görə, bu, Azərbaycan klublarının avrokuboklarda sayca 19-cu səfər qələbəsidir. Təmsilçilərimiz 19 qələbəni 98 oyunda əldə ediblər. “İnter” səfərdə 5-ci qələbəsini qazanıb. Dördüncü dəfə “bankirlər” səfərdə qalib gəldiyi oyunda qapısını toxunulmaz saxlayıb.

19 səfər qələbəsinin beşi “İnter”in payına düşür. Digər 14 səfər qələbəsi isə “Qarabağ” (9), “Neftçi” (2), “Karvan”, “Bakı” və “Xəzər Lənkəran”ın payına düşür.

“İnter” 2-ci dəfə səfərdə 1:0 hesablı qələbəyə sevinib. Minimal hesablı digər qələbələrdən 5-i “Qarabağ”ın, 1-i isə “Karvan”ın aktivindədir.

Azərbaycan kuboklarının avrokuboklardakı bütün səfər qələbələrini təqdim edirik: 

1996/97 - Kuboklar kuboku - MYüPA (Finlandiya) -  “Qarabağ“ 0:1

1999/00 - İntertoto kuboku - “Makkabi” (Hayfa, İsrail) - “Qarabağ” 1:2

2005/06 - Çempionlar Liqası - “Hafnafyordur” (İslandiya) - “Neftçi” 1:2

2006/07 - UEFA Kuboku - “Spartak” (Trnava, Slovakiya) - “Karvan” 0:1

2009/10 - Avroliqa - “Honka” (Finlandiya) - “Qarabağ” 0:1

2010/11 - Avroliqa - “Portdaun” (Şimali İrlandiya) - “Qarabağ” 1:2

2010/11 - Çempionlar Liqası - “Lex” (Polşa) - “İnter” 0:1

2010/11 - Avroliqa - “Buduçnost” (Çernoqoriya) - “Bakı” -1:2

2010/11 - Avroliqa - “Visla” (Polşa) - “Qarabağ” 0:1

2011/12 - Avroliqa - “Banqa” (Litva) - “Qarabağ” 0:4

2012/13 - Avroliqa - “Trans Narva” (Estoniya) - “İnter” 0:5

2012/13 - Avroliqa - “Nomme Kalyu” (Estoniya) - “Xəzər Lənkəran” 0:2

2012/13 - Avroliqa - APOEL (Kipr) - “Neftçi” 1:3

2013/14 - Avroliqa - “Metallurq” (Makedoniya) - “Qarabağ” 0:1

2013/14 - Avroliqa - “Mariehamn” (Finlandiya)- “İnter” 0:2

2013/14 - Avroliqa - “Gefle” (İsveç) - “Qarabağ” 0:2

2014/15 - Avroliqa - “Tiraspol” (Finlandiya) - “İnter” 2:3

2014/15 - Çempionlar Liqası - “Valletta” (Malta) - “Qarabağ” 0:1

2014/15 - Avroliqa - “Elfsborq” (İsveç) - “İnter” 0:1

QEYD: 2004/2005 mövsümündə İntertoto kubokunda UEFA-nın qərarına əsasən “Xəzər Universiteti”nə Avstriyanın “Kazino Şvarts” klubu üzərində texniki qələbə verilib. Həmin texniki qələbə yuxarıdakı siyahıda nəzərə alınmayıb.