Böyükağa Hacıyev: “Koper”i keçsək belə, yenə də cavab oyunundan sonra istefa verəcəyəm”

“Buraxdığımız hər iki qol “hədiyyə” idi. Biz bunu nə müdafiəçilərdən, nə də qapıçıdan gözləyirdik. Futbol səhvlər oyunudur. İkinci hissədə rəqibi təzyiqdə saxlasaq da, lazım olan qolları vura bilmədik”. Futbolxeber.az-ın məlumatına görə, bu sözləri “Koper”lə oyundan sonra “Neftçi”nin baş məşqçisi Böyükağa Hacıyev deyib.

B.Hacıyev bildirib ki komandası cavab oyununda uğur qazansa belə, istefa verəcək: “Daha əvvəl də rəqibin oyununu izləmişdik. Onlar müdafiədə oynamağı sevirlər. Bu gün də belə oldu. Əgər, “Koper”i keçsək belə, yenə istefa verəcəyəm. Öz cəzamı çəkməyə hazıram. Bu heyətlə boyumdan uca tullanmağa çalışıram. Yenilgiyə görə uşaqları qınamıram. İlk yarıdakı səhvlər oyunun taleyini həll etdi. İkinci hissədə çox çalışsaq da, alınmadı. Axşam oyunun videoyazısına baxacağam”.