Rodolfo Vanoli: “Sloveniyada da bizi çətin oyun gözləyir”

“Neftçi”ni təbrik edirəm. Çox yaxşı oyunçuları var, çox yaxşı da oyun göstərdilər. Biz də həmişəki kimi oynadıq”. Futbolxeber.az-ın məlumatına görə, bu sözləri “Neftçi” ilə oyundan sonra “Koper”in baş məşqçisi Rodolfo Vanoli deyib.

İtaliyalı mütəxəssis cütün taleyinin həll olunmadığını düşünür:“Neftçi”nin heyətində 3-4 yaxşı futbolçu var idi. Biz də onlara boş zona verməməyə çalışırdıq. Öz komandamdan razıyam. Ümid edirəm ki, cavab oyununda da yaxşı oyun göstərəcəyik. Qarşıda hələ cavab oyunu var. Heç nə bəlli deyil. Sloveniyada da bizi çətin oyun gözləyir. Bu gün, bu meydançada oynamaq mənim üçün şərəf idi”.

Vanoli meydandakı gərginlik barədə isə bunları deyib: “Bu, futboldur. Meydanda gərginlik olması normaldır. “Neftçi”nin baş məşqçisiylə mübahisə etdiyimi xatırlamıram”.