“Xəzər Lənkəran” Latviya klubu ilə qarşılaşacaq

Sloveniyada təlim-məşq toplanışında olan “Xəzər Lənkəran”ın növbəti yoxlama oyununun tarixi bəlli olub. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, hazırlıq prosesindəki ikinci oyununu cənublular sabah keçirəcək. “Xəzər Lənkəran”ın rəqibi Latviya klubu olacaq. Lakin rəqibin dəqiq hansı Latviya klubu olacağı hələ ki müəyyənləşməyib.

Xatırladaq ki, Sloveniyadakı ilk oyununda “Xəzər Lənkəran” Ukraynanın “Karpatı” klubunu 2:1 hesabı ilə məğlub edib.