Murat Göksu “Xəzər Lənkəran”da

“Xəzər Lənkəran”ın qapıçılarla işləyə yeni məşqçisi müəyyənləşib. Futbolxeber.az-ın məlumatına görə, bu, Murat Göksudur. 47 yaşlı məşqçi son olaraq “Sivasspor”da çalışıb. Göksunun Sivas təmsilçisi ilə sözləşməsi bu il mayın 31-də başa çatıb. “Sivasspor”a qədər türkiyəli mütəxəssis “Bucaspor”, “Eskişehirspor”, “Elazığspor” və “Boluspor”da çalışıb.

Göksunun yeni klubunun düşərgəsinə nə vaxt qoşulacağı da artıq bəllidir. Bu haqda Lənkəran klubunun mətbuat xidmətinin rəhbəri Hüseyn Cəbrayıloğlu Futbolxeber.az-a məlumat verib. Klub rəsmisi qeyd edib ki, Göksu artıq bu gün “Xəzər Lənkəran”ın düşərgəsində olacaq.