“Neftçi” “Koper”lə oyuna hazırdı

Sabah Avroliqanın II təsnifat mərhələsinin ilk oyunu çərçivəsində öz meydanında Sloveniyanın “Koper” klubunu qəbul edəcək “Neftçi” qarşıdakı matçın hazırlıqlarını başa vurub. Futbolxeber.az-ın məlumatına görə, “ağ-qaralar” bu gün matçın oynanılacağı “Bakcell Arena”da oyunöncəsi son məşqə çıxıb. Hazırlıq prosesində 40-a yaxın azarkeş “Neftçi”ni dəstəksiz qoymayıb. Hazırlıq prosesini izləyənlər arasında klubun prezidenti Sadıq Sadıqov və vitse-prezident Tahir Süleymanov da olub. Sadıq Sadıqov bir ara meydançanın mərkəzinə gələrək baş məşqçi Böyükağa Hacıyevlə söhbət edib.