Böyükağa Hacıyev: “Gedək, Puşkinə deyək ki komanda niyə uduzub?”

“Neftçi” tək Flavinyodan ibarət deyil. Flavinyonu meydanda bağlayırlarsa, biz çalışırıq oyunu Arazın üzərində quraq. Arazı bağlasalar, Mirseyidə ümid edirik. Unutmayın ki “Neftçi” bu il demək olar ki heç bir transfer etməyib. İnşallah, oyundan sonra bu söhbətə qayıdarıq”. Futbolxeber.az-ın məlumatına görə, bu sözləri “Neftçi”nin baş məşqçisi Böyükağa Hacıyev deyib.

Təcrübəli mütəxəssis bildirib ki, istənilən uğursuzluğa görə məsuliyyəti o daşıyır: “Hər şeyi futbolçunun üzərinə atmaqla iş olmaz. Braziliyaya, Almaniyaya baxın. Almaniya işlək maşındı. Düzgün komputeri var - Löv. Düzgün seçim edir və işini qoyur ortaya. Bizdə bu gün Samirlər, Elşənlər, Elvinlər var. Flavinyo 5 ildi Azərbaycandadır. Ona da vətəndaşlıq vermək lazımdı. Böyükağa Hacıyevdən qabaq “Neftçi”də Sadıq Sadıqov var. Onun düzgün strategiyası olmasa... Məhv olan və məhvə doğru gedən klublara baxın. Samir Məsimov mənə kimi “Qarabağ”da olub, niyə götürmədilər? Mən bu gün nüfuz, reytinq uğrunda vuruşuram. 57 yaşımda əqidə dəyişə bilmərəm. Komanda uduzursa, hər şeydən qabaq günahkar baş məşqçidir. Deməli, ya heyəti düzgün müəyyənləşdirməliyib, ya da düzgün hazırlıq keçməyib. Kimdən yapışaq? Gedək, Puşkinə deyək ki komanda niyə uduzub? Hər gün ibadətimi edəndə dua edirəm ki, Tanrım məni jurnalistlərin yanında başıaşağı eləməsin”.