“Valletta”nın baş məşqçisi: “Qarabağ”ın heyətində 3 braziliyalı yarımmüdafiəçini qeyd edə bilərəm”

“Valletta”nın baş məşqçisi Gilbert Agius Çempionlar Liqasının II təsnifat mərhələsinin ilk oyununda “Qarabağ”a 0:1 hesabı ilə uduzduqları oyuna barədə danışıb. Futbolxeber.az-ın məlaumatına görə, maltalı mütəxəssis “Qarabağ”ın heyətində 3 futbolçunu fərqləndirib: “Əsas məqsədimiz qapımızdan qol buraxmamaq idi. Komandam keyfiyyətli oyuna üstünlük verdi. Düşünürəm ki, görüşün sonuna qədər təzyiqlərimizi davam etdirsəydik, mütləq rəqibdə hansısa boşluqlar aşkar edəcəkdik. Beləliklə də hesabı bərabərləşdirə bilərdik. Oyuna ən düzgün şəkildə hazırlaşmışdıq. Komandam rəqibə yaxşı müqavimət göstərirdi. Ancaq bu faktdır ki, “Qarabağ” ardıcıl bir neçə il Avropa Liqasında uğurlu çıxış edən komandadır. Rəqibin heyətində güclü futbolçular var. Əsasən də üç braziliyalı yarımmüdafiəçini (Reynaldo, Çümbinyo, Almeyda) qeyd edə bilərəm. Hansı ki, onlar həm orta sahədə oyun qurur, həm də sürətli hücumlar təşkil edirdilər”.