Qurban Qurbanov: “Bakıda bizi asan oyun gözləmir”

“Gördüyünüz kimi, asan oyun olmadı. Maltalılar 90 dəqiqə ərzində göstərdilər ki, hər an qol vurmağa qadirdilər. Bir neçə qol imkanımız olsa da, minimal hesablı qələbə qazandıq. Amma bu, bizim növbəti mərhələyə keçməyimiz anlamına gəlmir”. Futbolxeber.az-ın məlumatına görə, bu sözləri “Valletta” ilə ilə oyundan sonra “Qarabağ”ın baş məşqçisi Qurban Qurbanov deyib.

Qurbanov Bakıdakı oyunun asan olmayacağını düşünür: “Bakıda maltalıların vuracağı qol hesabın bərabərləşməsi deməkdi. Artıq bu oyunu unudub cavab görüşünü fikirləşmək lazımdı. Bakıda bizi heç də asan olmayan oyun gözləyir. Oyuna gəlib, 3 rəngli bayrağımızı tribunada açan azsaylı azarkeşlərimizə də verdiyi dəstəyə görə təşəkkür edirəm”.