“Xəzər Lənkəran” bizdən daha yaxşı oynadı”

Ukraynanın “Karpatı” klubunun baş məşqçisi İqor Yoviçeviç “Xəzər Lənkəran”a qarşı keçirdikləri yoxlama oyunu barədə danışıb. Futbolxeber.az-ın məlumatına görə, klubun rəsmi saytına verdiyi açıqlamada Yoviçeviç, Lənkəran təmsilçisi haqda müsbət fikirlər səsləndirib: “Komandamız 90 dəqiqə mübarizə aparmağa hazır deyil. Bu amil “Xəzər Lənkəran”la oyunda özünü göstərdi. Rəqibə nisbətən biz daha yorğun idik. Onlar isə əksinə daha istəkli və hazır görünürdülər. “Xəzər Lənkəran” yaxşı komandadı və güclü futbolçuları var. Azərbaycan klubunun heyətindəki oyunçuların fiziki hazırlıqları yüksək səviyyədədi. Bizdən daha yaxşı oynadılar. Amma oyundan-oyuna komandam daha da artırır. Bunu hiss edirəm. Səhvlər üzərində işləyəcəyik. Hazırda isə daha çox fiziki hazırlıqlar üzərində çalışırıq”.

Xatırladaq ki, “Xəzər Lənkəran” “Karpatı” üzərində 2:1 hesablı qələbə qazanıb.