“Xüsusi qeyd olunacaq bir şey yoxdu”

"İlk növbədə rəqibimizi təbrik edirəm. İki oyunun nəticəsinə görə “Şiroki Briyeq” ədalətli olaraq növbəti mərhələyə vəsiqə qazandı”. Futbolxeber.az-ın məlumatına görə, bu sözləri Avropa Liqasının ilkin təsnifat mərhələsinin cavab oyunu çərçivəsində baş tutan "Şiroki Briyeq" - "Qəbələ" (3:0) matçından sonra "qırmızı-qaralar"ın baş məşqçisi Dorinel Muntyanu görüş barədə danışarkən deyib.

Rumın mütəxəssis qol epizodlarının qaçırılmasından gileylənib: “Buraya bir məqsədlə gəlmişdik: nəticəni öz xeyrimizə dəyişmək istəyirdik. Lakin əfsuslar olsun ki, ilk hissədə buraxdığımız səhvlər iki qolla nəticələndi. Bizim də 4 əlverişli qol epizodumuz oldu. Lakin bunlardan istifadə edə bilmədik. Bunlardan başqa xüsusi qeyd olunacaq bir şey yoxdur. Bir daha rəqini növbəti mərhələyə çıxdıqlarına görə təbrik edirəm".