“Mən yox, amma "Bakı" məşq edir”

“Komandanın məşqləri davam edir. Futbolçuların məşqə çıxmaması yalandır. Futbolçular gündəlik hazırlıqda iştirak edirlər”. Futbolxeber.az saytına verdiyi açıqlamada bu sözləri “Bakı”nın üzvü Nurlan Novruzov deyib.

Gənc hücumçu özü isə məşqlərə qatılmadığını bildirib: “Mənim bir az problemlərim var. Yox, zədəm yoxdur, hər şey qaydasındadır. Sadəcə şəxsi problemlərdi. Bu ssəbəbdən də məşqlərdə iştirak etmirəm”. 

N.Novruzov gələcək karyerası barədə də danışıb: “Hələ bizə dəqiq bir söz deməyiblər. Biz də gözləyirik. İndi gələcəyimlə bağlı heç nə düşünmürəm. İnanıram ki, hər şey yaxşı olacaq. Əgər vəziyyət düzəlməsə, başqa klub tapmalı olacağam. İnşallah, klubsuz qalmaram”.