“Şiroki Briyeq”in baş məşqçisi: “2:0 çox yaxşı hesabdır”

“Nəticəni deməyə ehtiyac yoxdu. 2 cavabsız qolla qalib gəldik. Çətin oyun alındı. “Qəbələ” hörmət etdiyimiz rəqibdir. Var gücümüzlə cavab oyununa hazırlaşacağıq. Bizə göstərilən qonaqpərvərliyi biz də öz meydanımızda təkrarlamağa çalışacağıq”.

Futbolxeber.az-ın məlumatına görə, bu sözləri “Qəbələ” ilə oyundan sonra “Şiroki Briyeq”in baş məşqçisi Slaven Musa deyib.

O, “Qəbələ”nin oyununu izləyib, rəqibi təhlil etdiyini bildirib: “Qəbələ”nin “Maribor”la oyununu izləmişdim. Taktikanı da həmin oyunda gördüklərimə əsasən qurmuşdum. 2:0 çox yaxşı hesabdır. Amma qarşıda bizi daha 90 dəqiqə gözləyir. Cavab oyunun ən azı qolsuz bərabərliyə çalışmalıyıq”.