“Xəzər Lənkəran” 2 futbolçudan FİFA-ya şikayət edə bilər

“Xəzər Lənkəran” klubu 2 futbolçusu - Sadio Tounkara və Etame Mbilladan FİFA-ya şikayət edə bilər. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Hələ ki nə Tounkara, nə də Mbilla düşərgəyə qoşulub. Onların yolunu gözləyirik. Artıq hər iki futbolçuya son xəbərdarlıq edilib. Klubla müqavilələri var. Futbolçulara bildirilib ki, onlara son olaraq 3 gün vaxt verilir. Bu müddətdə də düşərgəyə qoşulmasalar, artıq müəyyən tədbirlər görüləcək və hər iki futbolçudan FİFA-ya şikayət ediləcək”.