“Şiroki Briyeq” Qəbələdə məşqə çıxdı

Sabah Avroliqanın birinci təsnifat mərhələsinin ilk oyunu çərçivəsində “Qəbələ” ilə qarşılaşacaq Bosniyanın “Şiroki Briyeq” klubu bu gün səhər saatlarından matçın keçiriləcəyi şəhərdə məskunlaşıb. Futbolxeber.az-ın məlumatına görə, Bosniya təmsilçisi bu gün saat 20:00-da matçın keçiriləcəyi arenada oyunöncəsi son məşqə çıxıb. Hazırlıq prosesi 1 saata yaxın davam edib.

“Qəbələ”nin mətbuat xidmətinin rəhbəri Anara Hacıyev Futbolxeber.az saytına verdiyi açıqlamada bildirib ki, oyundan öncə baş məşqçilərin iştirakı ilə mətbuat konfransı keçirilməyib. Klub rəsmisi qeyd edib ki, hər iki çalışdırıcı yalnız qarşılaşmadan sonra mətbuat önünə çıxacaq.