Avropanın 6 nəhəng klubu Di Mariyanı istəyir

Avropanın bir sıra aparıcı klubları “Real”ın və Argentina millisinin aparıcı üzvü Anxel Di Mariyanı transfer etmək istəyir. Futbolxeber.az-ın məlumatına görə, 26 yaşlı futbolçu uğrunda mübarizədə favorit PSJ hesab olunur. Paris klubu artıq bir müddətdir onun çıxışını yaxından təqib edir.

PSJ ilə yanaşı, “Mançester Siti”, “Arsenal”, “Çelsi” və “Mançester Yunayted” də Di Mariyayla maraqlanır. Futbolçu özü isə Mançester klublarına keçmək istəmədiyini bildirib. Di Mariya qeyd edib ki, Mançester şəhərini bəyənmir.

Qeyd edək ki, Di Mariyanı heyətində görmək istəyən klublar arasında “Yuventus”un da olduğu bildirilir.