Şensoy AFFA və TFF arasındakı danışıqlara münasibət bildirdi

“Turan”ın sabiq baş məşqçisi Naci Şensoy azərbaycanlı futbolçuların Türkiyə Superliqasında, türkiyəli futbolçuların da Azərbaycan Premyer Liqasında legioner sayılmaması barədə iki ölkə federasiyaları arasında aparılan danışıqlara münasibət bildirib. Futbolxeber.az-ın məlumatına görə, Şensoy “facebook” sosial şəbəkəsində bu barədə yazıb:

“Türkiyə və Azərbaycan futbol federasiyaları arasında keçirilən görüşlərdən sonra artıq hər iki ölkənin ən yüksək liqalarında oynayacaq futbolçuları legioner statusunda sayılmayacaq.

İlk dəfə Azərbaycanda 2000/01 mövsümündə “Turan” klubunu çalışdırarkən bu fikri mən ortaya atmışdım. Bunun səbəbi də çox sadədi: “Əgər Avropa Birliyinə üzv ölkələr öz aralarında belə bir anlaşmanı həyata keçirirlərsə, nəyə görə Türk dövlətləri də eyni sistemdən istifadə etməsinlər?”

14 il sonra bu fikrimin reallaşması yolunda atılan addımlar məni də bir xeyli sevindirdi.

Xatırladım, indiyə qədər Türkiydə, sadəcə PTT birinci liqində Türk Cumhuriyyətlərindən olan futbolçulardan ikisi yerli statusunda oynaya bilirdi...”