Molla “İnter”in rəqibini xilas edə bilmədi

Avroliqanın ilk təsnifat mərhələsində “İnter”in rəqibi olan “Tiraspol” bu gün növbəti yoxlama matçına çıxıb. Futbolxeber.az-ın məlumatına görə, Moldova təmsilçisi Rusiyanın “Tom” klubu ilə üz-üzə gəlib.

“Şerif”in İdman Kompleksində baş tutan görüş “Tiraspol”un 1:2 hesablı yenilgisi ilə başa çatıb. İlk yarının sonu və ikinci hissənin əvvəlində qapısında qol görən Tiraspol klubunun gücü ancaq hesab arasındakı fərqi minimuma endirməyə çatıb. “Tiraspol”un yeganə qolunu qarşılaşmanın 55-ci dəqiqəsində 28 yaşlı hücumçu Oleq Molla vurub.

Xatırladaq ki, bundan əvvəlki yoxlama oyunlarında “Tiraspol” “Botoşan”ı (Rumıniya) 3:1, “Veris”i 4:1, “Daçiya”nı 1:0 hesabı ilə məğlub edib və “Şerif”ə 1:2 hesabıyla uduzub.