Ölkə futbolu

27-ci turdan məqamlar

Şriftin ölçüsü:

22.04.2013 15:24

Mövsümün “11-liy”i, tarixdə 88

Topaz Premyer Liqasının XXVII turunun “Kəpəz” – “Turan” oyunu daha bir hakimin ölkə çempionatında debütü ilə əlamətdar oldu. Qarşılaşmanı idarə edən Ömər Paşayev həm mövsümdə, həm də tarixdə ilk dəfə güclülər dəstəsi oyununda baş hakim kimi meydana çıxdı. O, cari mövsüm Premyer Liqanın arxada qalan 157 görüşündə (nəticəsi ləğv olunan “Simurq” – “Rəvan” oyunu nəzərə alınmamaqla) fit çalan 11-ci referidir. Ümumilikdə isə 1992-ci ildən keçirilən çempionatlarda bunadək 87 hakim iş başında olmuşdu. Paşayev həmin siyahıya 88-ci kimi daxil oldu.

1	Əliyar Ağayev	21
2	Anar Salmanov	20
3	Rəhim Həsənov	20
4	Fariz Yusifov	20
5	Elçin Məmmədov	20
6	Vüsal Əliyev	19
7	Rauf Cabbarov	13
8	Elvin Əsgərov	11
9	Orxan Məmmədov	8
10	Ramil Diniyev	4
11	Ömər Paşayev	1

“Simurq”un tarixində antirekord

Zaqatalanın “Simurq” klubu tarixinin ən böyükhesablı məğlubiyyətini alıb. Bu, Topaz Premyer Liqasının XXVII turunun “İnter”lə səfər matçında gerçəkləşib. Əyalət təmsilçisi 0:5 hesabı ilə uduzmaqla 8 illik tarixində ilk dəfə 5 və daha çox top fərqilə məğlub olub.

Yarandığı 2005-ci ildən “Şəfa”dakı matça qədər 253 rəsmi matç keçirən “Simurq” ən ağır yenilgisini 254-cü görüşdə aldı. Bunadək 86 dəfə məğlub olan komanda birinci dəstədə 3, Azərbaycan kubokunda 6, avrokuboklarda 2, Premyer Liqada 75 dəfə uduzmuşdu. Həmin 86 məğlubiyyətdən ən böyük hesablıları 4 top fərqilə olmuşdu. 4 dəfə 4 top fərqilə yenilən zaqatalalılar 87-ci məğlubiyyətini 5 topla aldı. “Simurq”un 3-dən artıq, yəni 4 və daha çox top fərqilə aldığı məğlubiyyətlərin hamısı Premyer Liqaya təsadüf edib.

“Simurq”un 4 və daha çox top fərqli məğlubiyyətləri

16.05.2010	Simurq (Zaqatala) - Standard (Sumqayıt)	0:4
21.08.2010	Neftçi (Bakı) - Simurq (Zaqatala)	4:0
27.11.2010	Qəbələ - Simurq (Zaqatala)	4:0
16.12.2011	AZAL (Bakı) - Simurq (Zaqatala)	5:1
20.04.2013	İnter (Bakı) - Simurq (Zaqatala)	5:0

77 qol və məğlubedilməz AZAL

Topaz Premyer Liqasında final mərhələsinin ilk dövrəsi başa çatıb. Komandaların iki “altılıq”da mübarizə apardığı 5 turluq dövrədə 30 qarşılaşma keçirilib.

Həm 1-6, həm də 7-12-ci yerlər uğrunda mübarizə aparan “altılıq”da 15 oyundan 3-ü heç-heçə bitib. Yəni ümumilikdə 30 matçın 6-sı bərabərliklə nəticələnib.

Dövrənin 30 oyununda qapılara 77 qol vurulub. Orta məhsuldarlıq 2,57-yə bərabər olub. İlk “altılıq”da 34 (orta hesabla 2,27), ikincidə 43 qol (orta hesabla 2,87) vurulub.

Dövrənin ən yaxşısı AZAL olub. Məğlub olmayan yeganə komanda kimi fərqlənən “təyyarəçilər” 5 turda 13 xal qazanıb. “İlk altılığın” ən yaxşısı isə “Qarabağ” olub – 12 xal.

“Rəvan” hamıdan çox – 15 qol vurub. AZAL, “Qarabağ” və “Neftçi” hamıdan az – 4 top buraxıb.

“Kəpəz” xala, “Qəbələ” qələbəyə həsrət qalıb. “Kəpəz”lə “Simurq” hamıdan az – 2 qol vurub, “Turan” isə hamıdan çox – 14 top buraxıb.

1.	AZAL (Bakı)	4	1	0	11 - 4	13
2.	Rəvan (Bakı)	4	0	1	15 - 5	12
3.	Qarabağ (Ağdam)	4	0	1	7 - 4	12
4.	Neftçi (Bakı)	3	1	1	6 - 4	10
5.	İnter (Bakı)	3	0	2	11 - 6	9
6.	Sumqayıt	2	1	2	5 - 5	7
7.	Xəzər Lənkəran	1	3	1	5 - 5	6
8.	Bakı	1	2	2	4 - 5	5
9.	Simurq (Zaqatala)	1	1	3	2 - 8	4
10.	Turan (Tovuz)	1	1	3	5 - 14	4
11.	Qəbələ	0	2	3	4 - 7	2
12.	Kəpəz (Gəncə)	0	0	5	2 - 10	0