"İnter"in futbolçusu üçün mövsüm başa çatdı

Sarı vərəqə limitini aşan və buna görə Premyer Liqanın bu turunu buraxan "İnter"in gənc yarımmüdafiəşisi Fuad Bayramov dünən əvəzedici komandaların matçında iştirak etmişdi. Futbolxeber.az-ın məlumatına görə, həmin qarşılaşmanın ikinci hissəsində Fuad Bayramov ağır zədə aldı. Belə ki, gənc futbolçu uğursuz toqquşmadan sonra meydançanı tərk etdi və dərhal "Medical Plaza" klinikasına aparıldı. Klinikada F.Bayramov böyrəyindən əməliyyat olundu, bundan sonra onun vəziyyəti stabilləşdi və o,ümumi palataya köçürüldü. 

 

Beləliklə, futbol mövsümünü gənc oyunçu üçün  bitmiş hesab etmək olar. Gözlənilir ki, Fuad Bayramov məşqlərə ən yaxşı halda bir aydan sonra qayıda bilər.