“Qarabağ” “Liverpul”u qabaqladı

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının yeni reytinq cədvəlini açıqlayıb. Futbolxeber.az-ın məlumatına görə, 200 klubun adının yer aldığı siyahıda Azərbaycan təmsilçilərindən yalnız “Qarabağ” qərarlaşıb. Ağdam təmsilçisi ötən ayla müqayisədə 8 pillə geriləyib. Hazırda aktivində 122 reytinq xalı olan ağdamlılar, “Nitsa” və Hayfa “Makkabi”si ilə birgə 111-113-cü pillələri bölüşdürür. Bu nəticə ilə Azərbaycan çempionu “Udineze”, “Liverpul”, “Everton”, “Atletik”, “Panatinaikos”, “Fənərbaxça”, “Kopenhagen”, “Anderlext”, ÇSKA kimi komandaları qabaqlayıb.