Bandoviç penalti epizodunu şərh etməkdən boyun qaçırdı

"Qələbə qazandığımız üçün sevinirəm. Komandam həm ilk, həm də ikinci yarıda nizam-intizamlı, gözəl futbol sərgilədi. Bu cür əzmkarlığa görə futbolçularıma təşəkkür edirəm". Futboxleber.az-ın məlumatına görə, bu sözləri "Xəzər Lənkəran"la oyundan sonra "Bakı"nın baş məşqçisi Bojidar Bandoviç deyib.

B.Bandoviç çox qol vura bilmədiklərinə görə, təəssüfünü gizlətməyib: "Bu gün rəqibdən daha yaxşı oynadıq. Yalnız daha çox qol vura bilmədiyimizə görə təəssüflənirəm. Bir qədər dəqiq oynasaydıq, hesab arasındakı fərq daha böyük ola bilərdi. Penalti epizodunu şərh etmək istəmirəm. Bu haqda dəqiq fikir yürütmək üçün epizodun videoyazısına baxmaq lazımdı".