“Hakimlərə irad bildirməyəcəm”

“Oyundan razı qaldım, çempionatın ən güclü komandasına qarşı oynadıq. “Qarabağ” gələcək çempiondur”. Futbolxeber.az-ın məlumatına görə, bu sözləri “Qarabağ”la oyundan sonra “Bakı”nın baş məşqçisi Milinko Pantiç deyib.

Pantiç komandasındakı problemlərin yavaş-yavaş həll olunduğunu bildirib: “Rəqib qol imkanı yarada bilmədi. Əsas heyətimizin bir neçə oyunçusu bu gün yox idi, bəlkə də, bu, nəticəyə təsir etdi. Hər şey başqa cür ola bilərdi. Oyunda qol da vurduq, lakin epizod oyundankənar vəziyyət kimi qeydə alındı. Hakimlərə irad bildirməyəcəm. Komandamızdakı problemlər yavaş-yavaş həll olunur”.