"Ancaq azərbaycanlılar o pulu verər"

Son günlər Andrey Arşavinin gələcəyi Rusiya, Britaniya, eləcə də Azərbaycan mətbuatında geniş müzakirə olunur. Təcrübəli futbolçunun adının "Xəzər Lənkəran"la yanaşı hallanması geniş müzakirələrə yol açıb. Rusiyanın ən məşhur portallarından olan "sports.ru"da bu gün Arşavinin gələcəyi ilə bağlı yazı yer alıb.

Futbolxeber.az-ın məlumatına görə, "Məndən qaç. Andrey Arşavinin canını necə qurtarmalı" başlıqlı yazının müəllifi olan Roman Mun adlı rusiyalı həmkarımız məqaləsində azərbaycanlıları da xatırlayıb. Belə ki, rusiyalı jurnalistin fikrincə, Arşavin futbolu xatırlaya biləcəyi, əvvəlki günlərini xatırladacağı kluba keçməlidir. Mun qeyd edib ki, Arşavinin "Arsenal"da aldığı pulu indiki zamanda ona yalnız azərbaycanlılar ödəyə bilər.