“Sumqayıt”ın baş məşqçisi: “Hesab böyük ola bilərdi”

“Qələbə həmişə sevindiricidir. “Neftçi” ilə oyunda isə ikiqat sevinclidir”. Futbolxeber.az-ın məlumatına görə, bu sözləri “Neftçi” ilə oyundan sonra “Sumqayıt”ın baş məşqçisi Aqil Məmmədov deyib.

O, hesab arasındakı fərqin daha böyük ola biləcəyini qeyd edib: “Özüm bu klubda oynamışam, ölkənin ən güclü komandasıdır, “Neftçi”yə qarşı motivasiya başqa cür olur. Komanda yaxşı oynadı, sürət və əks-hücumlar var idi. Hesab böyük ola bilərdi. Komandanı və azarkeşləri təbrik edirəm. “Neftçi”nin müdafiəyə meylli futbolçuları azdır. Biz də bundan istifadə etdik. Rəqibin heyətində həmişə istedadlı futbolçular olub. Öz oyunumuzla layiqli qələbəmizi qazandıq”.