“İlk hissədə qol vurmalı idik”

“Yaratdığımız qol imkanlarından istifadə edə bilmədik. Xüsusən də ilk hissədəki epizodlarda qol vurmalı idik”. Futbolxeber.az-ın məlumatına görə, bu sözləri AZAL-la oyundan sonra “Qəbələ”nin baş məşqçisi Yuri Syomin deyib.

Təcrübəli mütxəssis heyətdəki 2 futbolçunun yoxluğunu qabardıb: “Oyun heç-heçə başa çatdı. Komanda əlindən gələn qədər nəticə göstərməyə çalışır, yaxşı məşq edir. Təəssüf ki, bunun nəticəsini görmürük. Ebesilio və Niassenin olmaması oyunumuza təsir edir, hər ikisi yaradıcı futbolçudur. Bugünkü oyuna da yaxşı köklənmişdik. Keyfiyyətli oyun göstərmək lazımdır, ustalıq səviyyəsi olmalıdır ki, Kamanan və Subotiç yaradılan qol imkanlarından istifadə etsinlər. Komanda kubok oyunlarında uğur qazanıb özünəinamı bərpa etməlidir”.