AFFA-dan Bəxtiyar Soltanova sərt cəza

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 4 aprel 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXIX turunun “Rəvan” - “Sumqayıt” matçının 89-cu dəqiqəsində “Rəvan” klubunun 30 №-li futbolçusu Nihad Əmirli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 100 manat cərimə olunub.

5 aprel 2014-cü il, 2013/2014 mövsümündə, Azərbaycan I divizionun XXIV turunun “Araz Naxçıvan” - “Neftçala” matçının 16-cı dəqiqəsində “Araz Naxçıvan” klubunun 17 №-li futbolçusu Bəxtiyar Soltanov aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb, klub 400 manat cərimə olunub.

6 aprel 2014-cü il, 2013/2014 mövsümündə, Azərbaycan I divizionun XXIV turunun “Mil-Muğan” - “Turan-T” matçının 85-ci dəqiqəsində “Mil-Muğan” klubunun 18 №-li futbolçusu Elşən Hacıyev aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb, klub 400 manat cərimə olunub.