Syomin: “Səbr etmək lazımdır”

“Nəticə qanunauyğundur, “İnter” bu gün bizdən üstün oynadı. Bunun  səbəblərindən biri əsas heyətdən bir neçə müdafiəçinin olmamasıdır. Bu dəfə rəqibə qarşı müdafiədə etibarlı oynaya bilmədik”. Futbolxeber.az-ın məlumatına görə, bu sözləri “İnter”lə oyundan sonra “Qəbələ”nin baş məşqçisi Yuri Syomin deyib.

Syomin vaxta ehtiyac duyduqlarını bildirib: “Bundan əlavə “İnter” kubok oyunundan sonra fiziki baxımdan bizdən daha güclü oldu. Levinin daha öncə harada oynaması mənim üçün önəmli deyil. 0-1 hesabı ilə geri düşdükdən sonra hücumameylli oyunçunu meydana buraxdım. Bu nəticə ilə heç kim razı ola bilməz, nə mən, nə də azarkeşlər. Sabit çıxış etmirik, Kamran, Rafael və Nikola zədəlidir. Gənc futbolçulara şans verməli olduq. Nəticə qazanmaq üçün səbr etmək lazımdır. Əvəzetmədən oyuna daxil olan Leonardonun oyunu məni qane etmədiyi üçün onu əvəzlədim”.