“Bu fikirlərin mənası yoxdu”

“Əlbəttə, ölkə kubokunun 1/4 finalında “Rəvan”a yenilib, mübarizəni dayandırmaq üzücüdü. Ancaq olanlar keçmişdə qaldı. Hər şeyə rəğmən, biz toparlanmalıyıq və AZAL-la oyunda qələbəni düşünməliyik”. Futbolxeber.az-ın məlumatına görə, bu sözləri “Bakı”nın baş məşqçisi Milinko Pantiç deyib.

Sabah Azərbaycan Premyer Liqasının 27-ci turu çərçivəsində AZAL-a qarşı keçiriləcək oyun barədə klubun rəsmi saytına danışan Pantiç, Marius Pena haqda da danışıb: “Bundan sonra Premyer Liqa qarşılaşmalarına var gücümüzü qoymalıyıq ki, avrokuboklara vəsiqə qazanaq. Sabah AZAL-ı yenə bilsək, 4-cü dövrədə 18 xal toplamış olacağıq. Bu isə əvvəlki dövrələrdəkindən daha yaxşı nəticə sayılacaq. Bütün çətinliklərə baxmayaraq, futbolçularımda ruh yüksəkliyi yaratmağa çalışıram. Mətbuatda Marius Penanın “qara siyahı”ma düşməsi ilə bağlı yazılanlara gəlincə, deyim ki, o sabah mənimlə birgə olacaq. Bu cür fikirlərin mənası yoxdu. Hazırda müalicə alan Rauf Əliyevin xidmətindən isə “Simurq”la oyunda yararlana biləcəm”.