Əsgər Abdullayev: “Xəzər Lənkəran” rəhbərliyinə təşəkkür edirəm”

“Hamını Novruz bayramı ilə təbrik edirəm. “Xəzər Lənkəran” klubunun rəhbərliyinə təşəkkür edirəm, bizi yaxşı qarşıladılar”. Futbolxeber.az-ın məlumatına görə, bu sözləri “Xəzər Lənkəran”la oyundan sonra “Araz Naxçıvan”ın baş məşqçisi Əsgər Abdullayev deyib.

Abdullayev hakimlər barədə danışmaq istəməyib: “Biz 8 ayın komandasıyıq, yaxşı mübarizə apardıq, qələbə istəyimiz var idi, təəssüf ki, alınmadı. Hakimliklə bağlı ötən oyunda da danışmışdım. Bir daha bu mövzuya qayıtmaq istəmirəm. Aidiyyatı qurumlar bu məsələlərə baxır, qiymət verir”.