“Komediya kimi bir oyun oldu"

“Komediya kimi bir oyun oldu, deməyə sözüm yoxdur. Bu cür oyunla məğlub olduq. Belə hadisələr 20 ildə bir dəfə olur”. Futbolxeber.az-ın məlumatına görə, bu sözləri “Rəvan”la oyundan sonra “Xəzər Lənkəran”ın baş məşqçisi Mustafa Dənizli deyib.

Türkiyəli mütəxəssis komandasının qol epizodlarını boşa verdiyini bildirib: “Bir oyunda bu qədər qol epizodundan istifadə edə bilməyəsən və son anda qapından qol buraxıb məğlub olasan. Yuxu kimi bir oyun oldu, 5-6 qol epizodundan istifadə edə bilmədik. Ancaq uşaqlar belə səhvlər edə bilər. Bizim oynadığımız futbolla rəqibin oyanadığı futbolun nəticəsi budursa, deməyə sözüm yoxdur. Oyunu uduzmaq olar, amma bu cür iki qol buraxmağa söz tapa bilmirəm”.