Flavinyo: “Belə bir rekordun sahibi olmaq xoşdur”

“Belə bir rekordun sahibi olmaq əlbəttə ki, çox xoşdur. Sevinirəm ki, “Neftçi” kimi bir komandanın tarixinə düşmüşəm”. Futbolxeber.az-ın məlumatına görə, bu sözləri “Neftçi”nin üzvü Flavinyo deyib.

Klubun rəsmi saytına açıqlama verən braziliyalı futbolçu əvvəlki illərdə qazandığı nəticələri yenidən təkrarlamaq istədiyini bildirib: “Neftçi”də 4-cü mövsümdür ki, çıxış edirəm və bu vaxta kimi 3 çempionluq, 1 dəfə ölkə kubokunu və ən əsası Avropa Liqasının qrup mərhələsinə vəsiqə qazanmışıq. Bu uğurlarda pay sahibi olmaq qürurvericidir. İnanıram ki, bu nailiyyətlərin davamı gələcək”.