“Qarabağ” məşqlərə başladı

“Qarabağ” məşqlərə başlayıb. Futbolxeber.az-ın klubun rəsmi saytına istinadən verdiyi məlumata görə, Premyer Liqanın XXIV turunda “Neftçi” üzərində qələbədən (4:1) sonra komandanın baş məşqçisi Qurban Qurbanov futbolçulara istirahət vermişdi. Artıq Ağdam klubu növbəti turda qarşılaşacağı “Bakı”yla oyunun hazırlıqlarına başlayıb.

“Qarabağ`”ın məşqi Suraxanı qəsəbə stadionunda baş tutub. Uzun müddətdi zədəli olan Admir Teli də artıq kollektivlə məşqlərdə iştirak edir.

Qeyd edək ki, “Qarabağ” - “Bakı” oyunu bazar günü, martın 9-da, Tofiq Bəhramov adına Respublika stadionunda baş tutacaq.