Tsxadadze: 28 nömrəlinin 28-ci qolu

Premyer Liqanın 24-cü turunda keçirilən “Xəzər-Lənkəran” -“İnter” matçında qonaqlarIn heyətində Baçana Tsxadadze fərqləndi. Futbolxeber.az-ın məlumatına görə, bu qol 28 nömrə altında oynayan futbolçunun “İnter”in heyətində vurduğu sayca 28-ci oldu.

B.Tsxadadze “İnter”in heyətində 19 fevral 2011-ci ildə  MOİK-lə keçirilən oyunda debüt edib. Bu oyun həmin mövsümdə onun “İnter”in heyətində keçirdiyi yeganə qarşılaşma olub. Ancaq növbəti çempionatda o, 29 oyunda meydançaya çıxıb və 7 qol vurub. 2012-2013-cü il mövsümündə isə Tsxadadze 29 oyunda 8 dəfə fərqlənib. Cari mövsümdə isə forvard 6 dəfə fərqlənib. Baçana daha 4 qolu Avropa Liqasında, 3 qolu isə Azərbaycan Kubokunda vurub. Bu nəticə ilə oğul Tsxadadze hazırda “İnter”in  heyətində ən yaxşı bombardirdir.

Əlavə edək ki, Baçana Tsxadadzenin “Xəzər-Lənkəran”ın qapısından keçirdiyi bu qol sonuncunun qapısına vurduğu sayca 4-cü oldu. Hücumçu bunadək  “ağ-yaşılların” qapısını 3 dəfə dəqiq nişan alıb.

 Gürcüstanlı hücumçunun daha çox “Rəvan”ın (6 qol) və “Bakı”nın (5) qapısından qol keçirdiyini də qeyd etmək olar.