“Bütün futbolçularım igiddirlər”

“Bu cür oyundan sonra nə deyəcəyimi bilmirəm. Tarix yenə təkrarlandı. Bu oyunda 2 xal itirdik”. Futbolxeber.az-ın məlumatına görə, bu sözləri “İnter”lə oyundan sonra “Bakı”nın baş məşqçisi Milinko Pantiç deyib.

Pantiç futbolçuları haqda xoş fikirləs səsləndirib: “Əsas heyətin bəzi oyunçuları yox idi, lakin 5 təmiz qol epizodu yaratdıq. Rəqib isə bir dəfə qapımıza doğru gəldi və onda da qol vurdu. Rəqibi hər cəhətdən üstələdik, oynamaq istəmirlərsə, nə edə bilərik? Rəqib məşqçinin taktikasına hörmətlə yanaşıram. Çempionat asan deyil, “Sumqayıt” “Neftçi”ni məğlub etdi, zəif rəqib yoxdur. Bütün futbolçularım igiddirlər”.